Pisanié wiérztów dlô dzecy to je czësto òsóbny kùńszt, kò mùszi wrócëc mëslą a wseczëcym do swòjich nômłodszich lat, cobë sã òdrodza nasza dzecnô zòbrazëna. Cobë wrócył ten swiat i czas, w jaczim wszëtkò bëło nowé, czekawé a. . . mòżlëwé. Jeżlë chcesz sã doznac, czë Stanisłôw Janka je taczim pòétą, w jaczim wcyg żëje bënowé dzeckò, wezkôj do rãczi tã ksążkã. Przeczëtôj czile wiérztk z westrzódka kòmùs młodëchnémù. . . Jô jem gwës, że pòòstałé téż jemù abò ji sã bãdą widzałë.
A przë leżnoscë pòznôta całi kaszëbsczi alfabét.
